Ümumi məsuliyyətin və peşə məsuliyyətinin sığortası aşağıdakı hissələrdən ibarətdir:

1.üçüncü şəxslər qarşısında məsuliyyət- Sığortaçı Sığortalının üçüncü şəxslərə dəyən bədən xəsarəti və ya xəstəlik, yaxud onların əmlakına dəyən zərərin əvəzini ödəməklə bağlı ortaya çıxan hüquqi məsuliyyəti ilə əlaqədar xərclərə görə (iddiaçının xərcləri, rüsumları və məsrəfləri daxil olmaqla) üçüncü şəxslərə müqavilədə göstərilən qaydada sığorta ödənişi verməyi öhdəsinə götürür. 
 

2. məhsula görə məsuliyyət - Sığortaçı sığorta müddəti ərzində Məhsuldan və ya onunla əlaqədar əmələ gələn hər hansı bir bədən xəsarəti və ya ziyana görə Sığortalının müqavilədə göstərilən qaydada hüquqi məsuliyyət daşıdığı zərərin əvəzini ödəmək üçün ortaya çıxan məbləğlərə görə (iddiaçının xərcləri, rüsumları və məsrəfləri daxil olmaqla) sığorta ödənişi verməyi öhdəsinə götürür.

3. peşə məsuliyyəti - Sığortaçı, aşağıdakı hallarda sığortalının peşə fəaliyyəti - göstərdiyi xidmət nəticəsində üçüncü şəxslərə zərər dəyməsinə görə ona qarşı irəli sürülən iddialar üzrə mülki məsuliyyəti (peşə məsuliyyəti) ilə bağlı zərərlərin əvəzini ödəmək üçün  (iddiaçının xərcləri, rüsumları və məsrəfləri daxil olmaqla) müqavilədə göstərilən qaydada sığorta ödənişi verməyi öhdəsinə götürür:
 

- İddia təminata daxil edilən zərərlərə aid olmalıdır (iddiaçının xərcləri və Sığortalının qəbul edilmiş müdafiə xərcləri və məsrəfləri də daxil olmaqla);

- İddia müqavilə müddəti ərzində ilkin olaraq, Sığortalıya qarşı qaldırılmalıdır;

- İddia Sığortalının xidmətçiləri və ya işçilərinin səhlənkar əməli, səhvi və ya qüsuru nəticəsində yaranan maliyyə xərcləri ilə əlaqədar olmalıdır;

- İddia müqavilədə göstərilən qaydada Sığortalı tərəfindən xidmətlərin göstərilməsinin gedişində yaranmalıdır.